बादळ बोल्यो बादऴी, बण्यो रोमांटिक मूड |
आज करूंला बरसगे, तिरियां मिरियां खोड़ ||

कम नी थारी बादळी, आज मारस्या होड |
घड़ी स्यात रो गायलो, बादळ जासी पोड ||

छेड़ ना भोळी बादळी, मनै चढा ना रीस |
बादळ बिगड़्यां बाद मैं, चेप्पै आंगळ बीस ||

मटकण लागी बादऴी, बादऴ चडग्यो छोळ |
बरस्यो बादळ मोद मैं, करदी रोळगिदोळ ||

किरसो करसण देखगे, बिरखा रा रमझोळ |
मुळकै बैठ्या झूंपड़ी, लाग्या करण किलोळ ||

टपकण लागी झूंपड़ी, टप टप ठंडी छांट |
ओड भाखलो दोनूंवा, मारी चोकड़ गांठ ||

बिरखा ल्याई चेळको, भूल्या सगळा गम |
किरसै किरसी काळजै, गई बरफ सी जम ||

बरसै बादळ बादळी, धोरां करै रोमांस |
करसण कवै किसान नै, मेट दियो हबड़ांस ||

किरसो कवै किसानणी, अबकै आसी ठाठ |
बाज्या मरूधर जोरगा, बिरखा रा बरणाट ||

बादळ कै सुण बादळी, बरसां देशो देश |
एकमेक हो आपणै, जोबन काड्या नेश ||

लेखक:- राकेश कुमार पंवार 

चानी तहसील -कोलायत जिला -बीकानेर (राज )334302

राकेश कुमार पंवार राजस्थान राज्य के बीकानेर ज़िले से संबंध रखता हु, शिक्षा के क्षेत्र में गहरी रुचि होने से उच्च शिक्षा प्राप्त करते हुए पोस्ट ग्रेजुएशन तक की पढ़ाई सफलतापूर्वक पूरी की। इसके पश्चात वर्ष 2014 में DOAP की डिग्री हासिल की और कम्प्यूटर क्षेत्र में अपनी पहचान बनाने की दिशा में एक ठोस कदम बढ़ाया।
कम्यूटर सेवा में आने के संकल्प और मेहनत का परिणाम यह रहा कि वर्ष 2022 में PGDCA परीक्षा सफलतापूर्वक उत्तीर्ण की। वर्तमान समय में प्रतियोगी परीक्षाओं की तैयारी के साथ ही पंचायत समिति कोलायत (कोलायत )मे डाटा एंट्री ऑपरेटर के पद पर कार्यरत हु और अपने आने वाले समय में एक योग्य, समर्पित और प्रेरणादायी कंप्यूटर क्षेत्र में समाज और आने वाली पीढ़ियों को कम्प्यूटर सिखाने के साथ ही तकनीकी क्षेत्र को बढ़ावा दे सकू |